Si ishte Shqipëria 100 vite më parë

Të fokusuara në Shqipërinë e një shekulli më parë, të ruajtura me fanatizëm në muzeun “Albert Kan” në Francë, për të parën herë dhjetëra imazhe me ngjyra falë teknikës të përdorur në atë kohë nga vëllezërit Lymjer, rrëfejnë atë që ka qenë vendi ynë: qendrat urbane, qytetërimi, veshjet…

Arkivat e Planetit bëjnë bashkë imazhet e Evropës, Azisë dhe Afrikës, ku Shqipëria është fokusuar në tetor të vitit 1913. Misioni shqiptar ishte i përbërë nga Zhan Brun, gjeograf i njohur francez, dhe një fotograf i famshëm si Ogust Leon.

Këto imazhe të projektuara në ekranin e Kinema Millenium të Shqipërisë së para një shekulli, janë një dhuratë e ambasadës së Francës në Tiranë për këtë vit jubilar.

Christine Moro, ambasadore e Francës në Shqipëri, deklaroi: “Jemi të nderuar që kemi mbështetur sjelljen e këtij filmi. Kjo është një dhuratë e jona për këtë përvjetor të pavarësisë. Tani po e sheh publiku i Tiranës, por këto pamje do të “udhëtojnë” edhe në 11 qytete të tjera shqiptare.”

Këto imazhe në muzeun Albert Kan ruhen me fanatizëm sepse filozofia e arkivave të planetit nuk ka qenë të bëjë reportazhe. Qëllimi i Arkivave të Planetit është të fiksojë linjat e veçanta që përbëjnë individualitetin e një vendi, të cilat janë të kërcënuara me zhdukje përballë uniformizimit të botës moderne.

"Si ishte Shqipëria 100 vite më parë (VIDEO)"
me
"Si ishte Shqipëria 100 vite më parë"
temat u bashkun