Jetoi 40 vite si mashkull, pa e ditur se mund të ishte dhe femër

Caroline Kinsey jetoi shumicën e jetës si mashkull pasi prindërit i fshehën gjendjen e saj mjekësore interseksuale deri kur mbushi 19 vjeç.Një grua me të dy organet seksuale, atë mashkullor dhe atë femëror, jetoi si burrë për 40 vite për shkak se prindërit nuk i kishin thënë për dy dekada se ishte hermafrodit. Caroline Kinsey jetoi shumicën e jetës si mashkull pasi prindërit i fshehën gjendjen e saj mjekësore interseksuale deri kur mbushi 19 vjeç.
Ajo iu nënshtrua një operacioni kur ishte fare e vogël dhe u quajt Carl John Baker. Por pas shumë vitesh tallje në shkollë, prindërit u detyruan të zbulojnë të vërtetën kur ajo ishte 19 vjeç. Pas një martese të shkurtër e të dështuar me një grua, ajo u divorcua dhe kaloi një periudhë depresioni. Carolina vendosi të vishet si grua dy vite më parë dhe tani do të jetë përgjithmonë femër. Thotë se pritet të bëhet operacion për të hequr organin e saj mashkullor. “Kisha një zë femëror, në shkollë më tallnin, ajo ishte koha më e vështirë për mua. Nuk pata kurrë një të dashur,” thotë ajo. “Tani që jam femër jam më e lumtur se kurrë. Ndjehem mirë dhe nuk e kthej kokën kurrë pas për shkak se nuk dua ta kujtoj atë kohë,” vijon ajo.