Drejt Preshevës e Bujanocit, por mendja e shpirti me Kosovë

Fotoreportazh / Prapa mediave dhe Kuvendit të Kosovës, si u prit përfundimi i seancës plenare, për Rezolutën për Kosovën Lindore

Prishtinë, Gjenevë - E premtja e 31 majit, do të jetë një kujtesë e re e mirë historike për bashkëvendësit e mi të Kosovës Lindore, kudo që ndodhen ata, qoftë në Preshevë, Bujanoc, Medvegjë apo në diasporë, sepse siç dihet, e gjithë dita ishte temë aktuale në Parlamentin e Kosovës, çështja e Miratimit të Rezolutës së Parlamentit të Kosovës për Luginën e propozuar nga deputeti i LDK-së Lutfi Haziri, e që edhe televizioni publik i Kosovës RTK, ia kushtoi komplet këtë dritare informative gjithë shqiptarëve kudo që ndodhen. Se si ka shkuar kjo ditë në Parlamentin e Kosovës, kush foli e çka tha, jeni të njoftuar përmes mediave tonë.
Nga diaspora shqiptare e Medvegjës të pranishëm ishin: Zenel Neziri kryetar i Shoqatës Humanitare "Medvegja"-Fully, Zvicër, Fadil Selmani sekretar i kësaj shoqate, si dhe Ismet Selmani, ish kryetar i shoqatës, veprimtarë i dalluar i kësaj treve, si dhe bamirës i pandalshëm për të mirën e Medvegjës.