Zv/kryeministri turk takon protestuesit

Zëvendëskryeministri turk Bulen Arinc pritet të takojë një grup të protestuesve në mes të demonstratave të pandërprera anti-qeveritare.

Policia në orët e para të së mërkurës ka përdorur ujë me presion dhe bomba tymi, për të shpërndarë demonstruesit në Stamboll dhe Ankara, derisa protestat që kërkojnë dorëheqjen e kryeministrit Rexhep Tajip Edogan hynë në ditën e gjashtë.

Arinc u pajtua që të bisedojë me organizatorët e protestës fillestare, që synonte ndaljen e heqjes së disa lisave nga sheshi Taksim i Stambollit.

Ai ka refuzuar të takohet me ata që akuzohen për shkaktim të dhunës.

Në Izmir, polica raportohet se ka arrestuar 25 njerëz të dyshuar se kanë nxitur protestat përmes rrjeteve sociale.

Të paktën dy persona kanë vdekur dhe qindra janë lënduar që nga e premtja.

Protestuesit akuzojnë Erdoganin dhe partinë e tij me rrënjë islamike se gradualisht po imponon agjendën islamike në shtetin sekular të Turqisë.

Gjatë protestave në sheshin Taksim në Stamboll është dëmtuar një automobil zyrtar i Konsullatës së Maqedonisë.

"Automobili është dëmtuar në haubë, gjegjësisht në pjesën e sipërme. Me siguri ndonjëri prej demonstruesve ka kërcyer në të gjatë kohës së protestave. Automobili tani më është dërguar për t'u rregulluar të cilin do ta paguajë Qeveria e Republikës së Turqisë. Nuk është ndonjë dëm i madh, por kishte edhe automobila të cilët ishin djegur, për fat jo edhe i yni", thotë në deklaratën për Kanal 5, Zerin Abaz, konsulli i përgjithshëm i Maqedonisë në Stamboll.

Nga Konsullata e Maqedonisë informojnë se vazhdimisht janë të hapur dhe i paralajmërojnë qytetarët e Maqedonisë që nesër t'i shmangin zonat qendrore të qytetit Taksim, Gymshyj dhe Beshiktash, sepse janë caktuar protesta të sindikatave turke.

"Ne vazhdimisht jemi të hapur, vijmë në punë dhe përderisa duhet çfarë do ndihme e qytetarëve të Maqedonisë lirisht mund të na referohen, ndërsa në orët e mbrëmjes edhe telefonat janë të hapur. Deri më tani nuk kemi pasur asnjë qytetar të Maqedonisë të paraqesë se ka pasur problem. ne u dërgojmë porosi të jenë të kujdesshëm edhe në ditën e ardhshme kur do të jenë protestat e sindikatave", deklaroi konsulli, Abaz.

Nga MPJ-ja thonë se deri më tani qytetarët e Maqedonisë nuk kanë kërkuar ndihmë as nga Ambasada në Ankara.

Shërbimi turk për zbulim paralajmëroi se valët e reja të protestave në vend mund të përfundojnë me vdekjen e pjesëmarrësve në përleshje për shkak të aktiviteteve të provokatorëve, mes të cilëve ka edhe të huaj, kumtoi sot gazeta "Jeni Shafal", e cituar nga agjencitë.

Gazeta shkruan se "sipas të dhënave të autoriteteve të cilat i kanë interpretuar xhirimet nga përleshjet e fundit me policinë, mes shumicës së ekstremistëve turq, ka pasur edhe mercenarë të huaj".

Ka prej 750 deri 1.000 persona, agjentë, veprimet e të cilëve paguhen nga shërbimet e huaja për zbulim. Mes tyre ka edhe shumë shtetas të huaj. Ata janë sistemuar në radhët e demonstruesve, shkruan gazeta.

Këta njerëz janë provokatorë profesionistë, të cilët kanë përfituar përgatitje serioze teorike, ata udhëheqin me sulmet kundër policisë, shkruan "Jeni Shafak".

Sipas gazetës, një pjesë e konsiderueshme e provokatorëve vijnë nga organizatat e margjinalizuara majtiste.

Protestat në Ankara treguan se provokatorët veprojnë në mënyrë profesionale, shkruan më tej gazeta.

Legjenda shkruajti:Zëvendëskryeministri turk Bulen Arinc pritet të takojë një grup të protestuesve në mes të demonstratave të pandërprera anti-qeveritare.

Policia në orët e para të së mërkurës ka përdorur ujë me presion dhe bomba tymi, për të shpërndarë demonstruesit në Stamboll dhe Ankara, derisa protestat që kërkojnë dorëheqjen e kryeministrit Rexhep Tajip Edogan hynë në ditën e gjashtë.

Arinc u pajtua që të bisedojë me organizatorët e protestës fillestare, që synonte ndaljen e heqjes së disa lisave nga sheshi Taksim i Stambollit.

Ai ka refuzuar të takohet me ata që akuzohen për shkaktim të dhunës.

Në Izmir, polica raportohet se ka arrestuar 25 njerëz të dyshuar se kanë nxitur protestat përmes rrjeteve sociale.

Të paktën dy persona kanë vdekur dhe qindra janë lënduar që nga e premtja.

Protestuesit akuzojnë Erdoganin dhe partinë e tij me rrënjë islamike se gradualisht po imponon agjendën islamike në shtetin sekular të Turqisë.

Legjenda ti per cfar je per nji shtet Islamik modern apo per nji shtet sekular laik !!?

per shtet islamike moderne te respektoj bindje fetare pakica e keshtu me radh