Hoxhë Salihu: Çfarë ndodhi me Don Kçirën i cili bëri thirrje me i rrjep myslimanët shqiptar?

Derisa ende vazhdon të përflitet ligjërata e hoxhë Irfan Salihut lidhur me moralin e femrës shqiptare, e cila u bë publike nga portali i Express, tash së fundmi një video tjetër është vënë në qarkullim ku i njëjti hoxhë përkujton deklaratën që pati ngjallur reagime të shumta të priftit

“... lavdërojnë Millosheviqin, sikur se ishte Don Kçira, i cili dul e u tha mirë e ka pas Milloshi që në Srebrenicë i vrajti 260 mijë qen, duhet me i rrjep edhe 1 milion e 900 mijë qej shqiptarë se jena myslimanë”, thotë ndër të tjera, Irfan Salihu.

Ai, gjatë kësaj ligjërate thekson se askush nuk dënohet nëse bën thirrje që të vriten myslimanët. Mirëpo, sipas tij, nëse “ke mjekër”, menjëherë të akuzojnë për terrorizëm, transmeton Almakos.

Hoxhë Irfan Salihu ka drejtuar edhe akuza ndaj medieve të shitura, të cilat sipas tij fatkeqësisht dhe të cilat financohen nga qarqe jo islame, janë lojtarë i mirë i propagandimit kundër islamit dhe myslimanëve.

Kohë më parë, në opinion ishte bërë publike fjalimi i një prifti katolik shqiptar, i cili jeton dhe vepron në SHBA.

“Ne s’kemi merituar lirinë nga Beogradi. Është dashur të na rrjepë ashtu siç i ka rrjepur Milosevici në Srebrenicë 260 mijë qenë. Edhe në Kosovë me i pas rrjepë 1 milion e 900 mijë qenë, kurrgjë s'kishte bërë më keq”, kishte deklaruar ky prift, ndërsa pas reagimeve të shumta, nga të gjitha komunitetet, ai ishte justifikuar se ka qenë në ndikimin e emocioneve kur i ka thënë ato fjalë. / Almakos