Mbesa e Enverit ikën në Vjenë

Valbona Hoxha, mbesa e ish-diktatorit Enver Hoxha, e bija e djalit të tij Sokolit dhe Liljanës, ndonëse nuk ka qenë personazh ekranesh, megjithatë e njohin të gjithë. Ndoshta jo për portret, sepse ajo vetë ka zgjedhur gjithnjë të qëndrojë e tërhequr, duke refuzuar vazhdimisht të gjitha tentativat e gazetarëve për ta bërë të njohur për publikun.

Lajmi i lindjes së Valbonës, ndryshe, Boit, siç e thërriste i gjyshi, kishte jehuar në të katër anët e Shqipërisë asokohe, më 8 mars të vitit 1975. Për Enver Hoxhën, ardhja në jetë e mbesës së parë ishte gëzim i pamatë, aq sa një ditar i tërë i tiji i ishte kushtuar asaj.

Kushdo, qoftë edhe kalimtar i rastit i zonës së ish-Bllokut ne Tirane, do ta ketë ndalur njëherë të folurën me shokun përkrah, kur ka parë Boin, elegante e të bukur, me veshjen sportive e çantën e palestrës, tek kalon përpara hyrjes së shtëpisë.

Pre muajsh tashmë, Valbona Hoxha nuk jeton më në Tiranë. Bashkë me dy fëmijët, vajzën Inesin, dhe djalin e vogël Kevin, janë zhvendosur në Vjenë, ku sipas burimeve pranë familjes Hoxha Valbona ka shkuar në të mirë të edukimit të fëmijëve, shkruan ”Panorama” Por, familjes thuhet se nuk i është bashkuar i bashkëshorti i saj, avokati i njohur, Genc Boga, i cili vazhdon të qëndrojë e punojë në Tiranë.[flash] Mbesa e Enverit ikën në Vjenë[/flash]