Historiani turk: Osmanët, jo pushtues

Nëse deri dje kërkesa për rishikimin e teksteve shkollore ne Kosove e Shqipëri, ku flitet për Perandorinë Osmane, ka qenë e autoriteteve shtetërore turke, tashmë pjesë e saj bëhen edhe historianët.

Nga Tirana, i ftuar për një konference mbi luftërat ballkanike, historiani turk Mehmet Haxhisalihoglu nën argumentin se shqiptarët kanë qenë drejtuesit kryesore të administratës osmane, ka mohuar përdorimin e termit pushtim, pasi sipas tij, vetë shqiptarët kanë drejtuar disa nga vendet kryesore nën batinë e Perandorisë Osmane, transmeton vizionplus.tv.

Ai ka mohuar konvertimin e shqiptareve në myslimane, me forcë. Sipas Haxhisalihoglu, shqiptarët u islamizuan pasi drejtuesit e tyre e kishin më të lehtë për të ruajtura pozitat dhe pronat nëse konvertoheshin.

Haxhisaliogu ka marrë me vete edhe një pyetësor të cilin pretendon ta shpërndajë në shkollat e Tiranës, për te kuptuar se cili është imazhi i Turqisë dhe osmaneve në librat e historisë. Sipas tij, ky projekt po realizohet në 15 vende jo vetëm të Ballkanit, dhe nga të dhënat e deri tanishme imazhi i Perandorisë Osmane konsiderohet si negativ në tekstet shkollore.