Lufta kundër autostradës dhe porteve detare të Shqipërisë

Serbia përpiqet që “t’i lë me gisht në gojë” portet detare të Shqipërisë dhe autostradat e Shqipërisë dhe Kosovës

Më 31 maj kompania kombëtare e Kinës “China Gezhouba Group Corporation" e drejtuar nga Huang Lin në Serbi nisi procesin e fizibilitetit për hapjen e kanalit lundrues përgjatë lumit Morava deri në Selanik, detin Egje. Me këtë projekt, Serbia tenton të rifaktorizohet dhe të ruaj primatin e saj në Ballkan, duke u lidhur me Bregdetin e Egjeut në Selanik të Greqisë. Dhe me këtë projekt Serbia përpiqet që t’i lë me gisht në gojë portet detare të Shqipërisë dhe autostradat e Shqipërisë dhe Kosovës, duke hapur kanalin lundrues, përkatësisht duke përforcuar korridorin e 10-të Evropë- Azi. Kanali lundrues do të nis nga Beogradi – Danubi, lumi Morava, Smedereva, lumi Vardar në Maqedoni deri në Selanik të Greqisë në detin Egje.