Arvizu: Po blihen votat me vende pune

Ambasadori amerikan në Tiranë, Aleksandër Arvizu, e nisi intervistën e tij në emisionin më të ri politik në Vizion Plus, me gazetarët Adi Krasta dhe Lutfi Dervishi, duke dhënë një panoramë të zymtë të fushatës zgjedhore.
“Po shohim përpjekje të ndryshme që ndikojnë mënyrën se si votojnë njerëzit. Japin para ose ofrojnë perspektiva pune, ose kërcënime për humbjen e vendit të punës. Shohim raste kur njerëzit shkurajohen për të votuar. Shohim raste kur burimet përdoren për fushatë,” ka thënë Arvizu, duke shtuar megjithatë se ai do të donte të ishte optimist.
Arvizu ka thënë se në disa qarqe situata mund të jetë edhe më e ndezur.
Ambasadori amerikan shprehu shqetësim edhe për çështjen e KQZ-së, duke treguar me gisht nga mazhoranca e djathtë për këtë situatë. Ai ka thënë se ata duhet ta kishin menduar më mirë këtë situatë kur votuan shkarkimin e anëtarit të LSI në KQZ.
“Ne kemi shprehur shqetësim për zhvillimet në KQZ nga situata me të cilën përballet KQZ-ja. Kam ndjesinë që asnjë palë nuk është veçanërisht e shqetësuar për situatën në KQZ siç jemi ne. Të dy palët janë të interesuara që të fitojnë zgjedhjet dhe ne e kuptojmë këtë. Nga pikëpamja jonë, ne jemi neutralë. Për ne rëndësi ka që të zhvillohet një proces i mirë, i shëndetshëm, demokratik”, ka thënë Arvizu.
Ambasadori Arvizu ka thënë se nëse votuesit kanë besim tek procesi, mund të pranojnë edhe rezultatin zgjedhor.

hajni publike,per te demtuar kombin

bastardi berishe po provon gjithcka 
por kete here rilindja ka nevoje ky popull dhe jo diktaturen berishiane

Ndaj pati mbi 50% papunesi Shqiperia deri me sot, qe t'i punesoje Saliu me shkembim vote?!...