“Plas” puna në bashkinë e Tiranës, punësohen 250 romë

Bashkia e Tiranës ka punësuar së fundmi 250 romë kryefamiljarë të cilët janë emëruar si punëtorë të ndërmarrjes që menaxhon punët e qytetit, përkatësisht në sektorin e pastrim- gjelbërimit. Ata shprehen se janë futur në punë me kontrata të përkohshme dhe janë marrë nga të gjitha zonat e kryeqytetit.
“Na ka marrë në punë bashkia. Punojmë për qytetin për pastrim, për të mbjellë bar dhe pemë”, janë shprehur ata

Kryesisht ata banojnë në periferi të qytetit dhe janë të regjistruar si votues në njësitë përkatëse bashkiake. Ata shprehen se janë të vetëdijshëm se kjo bëhet për efekt elektoral megjithëse shpresojnë që të punojnë edhe pas zgjedhjeve pasi u është premtuar se më pas do të bëhet edhe lidhja e kontratës për një periudhë më të gjatë kohore./alb-observer.com/