Erdogan pajtohet me protestuesit, ndërpret projektin në Gezi

Fri 14 Jun 2013 - 13:59

Kryeministri turk Rexhep Taip Erdogan u dakordua që të ndërpriten planet për rikonstruimin e parkut “Gezi” në Stamboll, ku tani më dy javë po mbahen protesta antiqeveritare.
Demonstruesit e kanë përshëndetur qëndrimin e kryeministrit, duke e vlerësuar si "pozitiv".
"Rezultat pozitiv nga bisedimet e mbrëmshme midis Erdoganit dhe përfaqësuesve të demonstratave është ai që kryeministri deklaroi se projekti nuk do të vazhdojë para vendimit përfundimtar gjyqësor", theksoi zëdhënësi i lëvizjes ekologjike “Solidaritet me Taksimin”.
Mediat perëndimore vlerësojnë se premtimi për respektimin e vendimit gjyqësor konsiderohet si fitore e demonstruesve, të cilët refuzuan të tërhiqen nga parku pas ofertës së Erdoganit për mbajtjen e referendumit për planet për rikonstruim.
Sipas planeve të pushtetit, në vendin e parkut me rreth 600 drunj do të ndërtohej kazermë nga koha e Perandorisë osmane.