Obama i gatshëm të hyjë në luftë në Siri?

Fri 14 Jun 2013 - 21:01

Presidenti amerikan, Barack Obama ka vendosur që t’i dërgoj ndihmë të drejtpërdrejt ushtarake kryengritësve në Siri, ka njoftuar Shtëpia e Bardhë, raporton Reuters.
Obama, siç raportojnë agjencitë e lajmeve, ka vendosur ta ‘ndryshoj listën’ kur New York Times ka publikuar dokumentin që tregon që në Uashington që një kohë të gjatë po qarkullojnë dokumente që tregojnë se regjimi i Bashar al Assadit po përdorë armë kimike në Siri.
Më këtë Damasku “ka shkelur vijën e kuqe” që e kishte vendosur Barack Obama.
Kjo vijë është shënuar qysh në prill dhe SHBA-të aso kohe i kanë thënë Damaskut se nuk guxon që ta kalojë.
Edhe pse Shtëpia e Bardhë tash ka të dhëna të mjaftueshme për përdorimin e armëve kimike, në administratën e Barack Obamas ekzistojnë ndarje të thella rreth hapave të ardhshëm, pasi që, të paktën deri më tash, Uashington i është shmangur përzierjes në luftën qytetare në Siri.
Bill Clinton ka kritikuar Baracka Obamën për qasje të matur ndaj krizës siriane duke përkujtuar se dikur ai kishte marrë vendimin që Amerika të intervenojë në Bosnjë e në Kosovë
Dje, ish presidenti Bill Klinton në një takim të mbyllur për medie, por që sajti Politiko e mori fjalimin e tij, ka thënë se zgjedhësit amerikanë e votojnë kryetarin “që fiton”.
"Obama ose cilido kryetar tjetër, do të bëhej krejtësisht budalla nëse i kushton shumë vëmendje hulumtimit të opinionit publik dhe për këtë arsye të reagojë me maturi", ka thënë ish- kryetari duke u përgjigjur rreth anketeve sipas të cilave amerikanët nuk dëshirojnë që vendi i tyre të përfshihet në konfliktin në Siri.
Në këtë konflikt deri më tash janë vrarë mbi 90 mijë veta./Almakos