Hapet autostrada Tiranë-Elbasan

Sun 16 Jun 2013 - 19:36

Gjatë dy viteve të fundit, që kur nisi ndërtimin, autostrada Tiranë-Elbasan, ishte ndër prioritetet madhore për kryeministrin Berisha.

Dhe rëndësinë e kësaj autostrade që shkurton ndjeshëm nëpërmjet tunelit distancën mes Tiranës, Elbasanit dhe juglindjes së vendit, kryeministri e tregoi kur preu i vetëm shiritin e inaugurimit.

“Tuneli është monument madhështor i një modeli i cili ka vetëm një qëllim, përmirësimin e jetës suaj. Ne mbajmë fjalën tonë. Inaugurimi i sotëm është dëshmi e një fjale të dhënë, e një fjale të mbajtur, para jush qytetarë të Elbasanit, para jush shqiptarë”, tha Berisha.

Ndërsa për Edi Ramën, kryeministri kishte një mesazh tjetër, kur foli për sindromin e moshës që ka kapur kreun e opozitës, të cilin e cilësoi si njeri pa ide, të veshur me dëshpërim dhe pesimizëm për shkak të së kaluarës në vitet e rinisë: “Ai u rrit zvarranik në bunker. Unë u rrita zog malesh dhe vazhoj të fluturoj. Ju ftoj të ecim përpara. 7 ditë na ndajnë nga fitorja e merituar. Ta ngremë në lartësinë e këtij tuneli.”

/ Top Channel