Adi Krasta humb betejën ligjore me Top Channel, 150 mijë lekë detyrim TV-së

Adi Krasta, një nga gazetarët dhe moderatorët më të njohur në Shqipëri ka humbur betejën ligjore me kanalin prestigjoz Top Channel. Mësohet se Gjykata e Tiranës ka vendosur të pranojë kërkesë-padinë e televizionit dhe të urdhërojë Adi Kastrën t’i kthejë shoqërisë “Top Channel” sh.a. vlerën prej 149.803 lekësh. Sipas disa informacioneve bëhet e ditur se gazetari I detyrohet këtij televizioni pasi si sanksion për zgjidhje të kontratës së punës me afat në mënyrë të menjëhershme dhe pa shkaqe të justifikuara. Kontrata ka parashikuar një kohëzgjatje prej 9 muajsh, saktësisht nga dt.13.09.2011 deri në dt.25.06.2012. Televizioni “Top Channel”, e ka punësuar Krastën për vendin e punës “Moderator”, në programin televiziv “100 Milionë”, të cilin ky i fundit do ta realizonte përgjatë gjithë sezonit televiziv prej 9 muajsh. /alb-observer.com/