Enigma e vrasjes së fëmijës 10 vjeçar nga Kukësi, mund të jetë qëlluar nga prindërit

Vrasja e një djali 10 vjeçar ditën e djeshme në qytetin e Kukësit ka shokuar gjithë qytetin verior. Fëmija, E.Isufi ka mbërritur rreth orës 16:10 të pasdites së djeshme në Spitalin Rajonal pa shenja jete ndërsa mjekët kanë konstatuar se ai kishte një plagë plumbi hyrëse në shpatull dhe një dalëse në kraharor.

Menjëherë janë lajmëruar strukturat policore të cilat kanë shoqëruar prindërit e të miturit. Ata janë marrë në pyetje deri në orët e vona të mbrëmjes për të zbardhur ngjarjen ndërsa në lëvizje është vënë edhe prokuroria e rrethit.
Sipas policisë duke parë edhe goditjen në shpatull, është e pamundur që 10-vjeçari të ketë qëlluar vetë ndërsa vrasja mund të ketë qenë aksidentale nga familjarët që kanë qenë pranë tij./alb-observer.com/