Përfundoi shkollën fillore në moshë 100-vjeçare

Se asnjëherë nuk është vonë për të mësuar e ka dëshmuar meksikania Manuela Hernandez, e cila në moshën 100-vjeçare e ka përfunduar shkollën fillore.
Manuela ka lindur në qershor të vitit 1913 në shtetin Oaxaca, ndërsa braktisi shkollën që në klasën e parë për t’i ndihmuar familjes së saj të varfër.

Shkollimin e vazhdoi në moshën 99-vjeçare dhe gjatë fundjavës që lamë pas e mori diplomën.

Zyrtarë të Ministrisë së Arsimit në Meksikë thonë se mbi 50 për qind e popullatës në Oaxaca që janë nën moshë 15-vjeçare nuk e kanë të kryer shkollën fillore. /Telegrafi/