AKTIVISTË TË PAKËNAQUR LARGOHEN NGA VV

Një grup prej 15 aktivistësh nga Qendra e Vetëvendosjes në Dardanë sot ka dhënë dorëheqje në shenjë pakënaqësie me zhvillimet e brendshme në këtë subjekt.

Ky grup përmes një njoftimi për medie ka sqaruar se largimi i tyre bëhet si pasojë e pakënaqësisë së tyre ndaj mënyrës sesi po funksionin Vetëvendosje. Duke i dorëzuar librezat e anëtarësimit të tyre, ky grup ka kritikuar ashpër udhëheqjen e Vetëvendosjes në qendrën e Dardanës, duke i quajtur të papranueshme veprimet e Dardan Molliqajt.

Mos-informimi dhe mos shterja e debatit për shkrirje mes LVV dhe PS, keqpërdorimi i parasë, mos-dhënia llogari përmenden si arsyet kryesore të largimit të 15 aktivistëve të Vetëvendosjes. “Vetëvendosja e sotme nuk mundet më të thirret në vetëvendosje si koncept pasi nuk ka më vetëvendosje të brendshme, ku mungon demokracia. Por vendimet i merr vetëm Dardan Molliqaj.

Vullneti jonë si Qendër nuk u pyet kurrë dhe nuk u morr në konsideratë”, thuhet veç të tjerash në kumtesën e aktivistëve të pakënaqur të Vetëvendosjes.