Shqipëria kthehet në “fole” të muhaxhedinëve të rrezikshëm, mbërrijnë edhe 31 të tjerë

Mbërrijnë në Shqipëri edhe 31 muhaxehinë të tjerë...!!!

Ministria e Brendshme ka njoftuar se kanë mbërritur në Shqipëri në kuadër të marrëveshjes për strehimin në Shqipëri të 210 muxhahedinëve, e cila është një përgjigje e qeverisë shqiptare ndaj kërkesës së qeverisë së Shteteve të Bashkuara të Amerikës.

Sipas njoftimit të Ministrisë së Brendshme më datë 10 korrik ka mbërritur në Rinas kontingjenti i parë i muhaxhedinëve i përbërë nga 17 persona ndërsa kontingjenti i dytë ka mbërritur dy ditë më vonë, pikërisht më 12 korrik i përbërë nga 14 persona.

“Deri më tani numri i personave të pranuar për mbrojtje ndërkombëtare që vijnë nga ish kampi Ashraf i Irakut, ka arritur në 76 individë. Qeveria shqiptare nëpërmjet Ministrisë së Brendshme ka marrë të gjitha masat për akomodimin dhe qëndrimin e sigurt të këtyre personave në Qendrën e Pritjes së Azilkërkuesve në Shqipëri.

Në bazë të marrëveshjes së arritur, do të vijojë mbërritja e refugjatëve të tjerë në ditët e ardhshme, pjesë e grupit prej 210 personave, që Qeveria Shqiptare ka vendosur t’i pranojë në territorin e Republikës së Shqipërisë.

Qeveria ka marrë të gjitha masat për sistemimin e tyre në apartamente banimi të përshtatshme duke siguruar transferimin e tyre nga Qendra e Pritjes në banesat e tyre, brenda një kohe të shkurtër dhe trajtimin sipas të gjitha standardeve të parashikuara nga e drejta ndërkombëtare dhe konventat e njohura nga Republika e Shqipërisë.”, thuhet në njoftimin e Ministrisë së Brendëshme./alb-observer.com/