Vajza Më E Fortë Në Botë

Rekordin e vajzës më të fuqishme në botë e mban ukrainasja Varya Akulova, e cila pikërisht për këtë arsye ka hyrë në rekordet Guinnes, jo në një, por në dy kategori.

Varya është në gjendje që të ngrejë më shumë se pesë herë me radhë 350 kilogramë, ndërsa vetë peshon jo më shumë se 50.

Në momentin që lindi Varya në vitin 1992, babai shpresonte për djalë në mënyrë që të ndihmonte familjen në punën që bënin.


Kur lindi vajzë, ai besoi se dëshira e tij nuk do të plotësohej, por mendoi se nuk kishte arsye se pse një vajzë të mos ishte e fortë sa një burrë. Kështu ndërsa bashkëmoshataret e saj luanin me kukulla, Varya ngrinte pesha, por gjithnjë nën kontroll të rregullt mjekësor, për të garantuar një rritje të shëndetshme.

Në moshën 3 vjeçare ajo iu bashkua prindërve si akrobate, ndërsa në moshën 6 vjeçare ishte në gjendje të mbante në shpatulla babanë, ndërsa kur ishte 12 vjeç arrinte që ti ngrinte njëherësh të dy prindërit.

Pavarësisht forcës së saj, ajo ruante me fanatizëm linjat femërore, duke mos e deformuar trupin. Jo rrallë Varya është ndeshur me forma diskriminimi për shkak të forcës fizike, pasi ishin të shumtë ata që e këshillonin më mirë të mësonte të gatuante në mënyrë që të gjente burrë.



Ndërkaq ka të tjerë që mendojnë se asnjë burrë nuk do dëshirojë të martohet me një grua kaq të fortë./noa.al