Specializimet në mjekësi

Studentët specializantë të degës Toksiokologji, Anestezi–Reanimacion kanë protestuar pranë Fakultetit të Mjekësisë pasi nuk janë lejuar që të marrin pjesë në të tre fazat e konkursit që ishte paralajmëruar.
Sipas tyre, përveç pikëve të mesatares në rezultatet përfundimtare do të llogariteshin, pikët e provimit me shkrim dhe pikët e provimit me gojë. Por ata janë përjashtuar nga provimi me gojë dhe këtë e kanë mësuar vetëm para dy ditësh.

“Në fazën e parë studentët merrnin 500 pikë, në të dyten 300 pikë dhe në fazën e tretë vlerësohen me 200 pikë”, shprehet një studente.

“Pasi janë futur të gjithë kandidatët, kanë bërë një selektim duke na përjashtuar nga intervista”, thekson një tjetër.

Ndërkohë burime pranë rektoratit sqarojnë se ky vendim është marrë që në muajin korrik pasi nga eksperienca e viteve të kaluara është konstatuar se në provimin me gojë përcaktoheshin fitues ata që kishin dhënë para nën dorë.

Ndaj fituesit janë përcaktuar tashmë në bazë të mesatares dhe pikëve që kanë marrë në provimin me shkrim.