Miqtë, video 17-vjeçarit të vrarë në Vlorë: U prefsh në paqe Serdi!

Ngjarja e rëndë e mesditës së të dielës në plazhin e Ujit të ftohtë në Vlorë, ku mbetën të vrarë tre persona me breshëri automatiku, ka shkaktuar dhimbje të mëdha te të afërmit e tyre.

Fqinjët, apo miqtë e 17-vjeçarit Serdi Bajlozi në Prrenjas i kanë kushtuar edhe një videoklip të dashurit të tyre, i cili është publikuar në “Youtube” dhe “Facebook” me titullin “U prefsh në Paqe Serdi, na mungon”.

Videoklipi modest, por shumë shprehës, është një koleksion fotosh të të ndjerit, i shoqëruar edhe me dedikimet e të dashurve të tij.

/Shekulli Online/Përgatiti: E.D/

e bukur video por ky djaloshi nuk vjen me ne jete kjo dhemb me teper

Ermal Mamaqi: Si E Njoha Serdin Që U Vra Në Vlorë

TIRANE- Artisti Mamaqi publikoi dje në ‘Facebook’ këtë status lidhur me viktimën.

Nga statusi që botova dje më erdhi në inbox kjo foto. Një foto që nuk e mbaja mend që ishte bërë. Është Serdi. Njëri nga 3 viktimat e ngjarjes së Vlorës. Kjo foto është bërë para 7 muajsh.

Më bëri të mendoj… Para 7 muajsh, asnjëri nga ne të dy nuk e dinte që njëri nga ne vritej pa shkak dhe pa faj. Më bëri të mendoj se sa e brishtë është jeta dhe sa e panjohur është e ardhmja dhe fati i gjithsecilit. Më bëri të mendoj sa herë kam ndjerë mungesën e dikujt që nuk e kam vlerësuar atëherë kur e kam pasur pranë… Më bëri të mendoj që mund të isha unë në vend të Serdit.

Dhe kështu…ngushëllimi i vetëm që na vjen neve dhe familjeve të tyre, është mendimi dhe besimi se ata të tre tani janë në një jetë më të mirë se kjo në tokë. Po e mbyll me një mesazh për të gjithë ju: Nuk është asnjëherë vonë për t’i kthyer sytë nga Zoti! Lamtumirë Serdi!bota-shqip