Grabitja e 29-vjeçarit, kapet njëri autor në Vlorë, i dyti në kërkim

Mon 30 May 2011 - 13:22

Vlore – Lajmifundit – Policia e Vlorës deklaroi se pas një pune hetimore 1-javore u bë e mundur kapja dhe ndalimi i shtetasit të shpallur në kërkim Altin Mitat Shehaj, vjec 45, lindur dhe banues në fshatin Gumenicë të Rrethit Vlorë.
Sipas policisë, ndalimi i këtij shtetasi u bë për arsye se më datë 20.05.2011 në bashkëpunim me shtetasin Gjovalin Fran Lekgegaj, vjec 29, lindur dhe banues në Perlat Epër të Rrethit Mirditë, si dhe një shtetas tjetër ende të paidentifikuar, ka vjedhur me dhunë shtetasin L.L., vjec 26, lindur në Prrenjas dhe banues në Panjë të Rrethit Librazhd, duke i marrë këtij shtetasi sende personale që i kishte me vehte:
një aparat celular;
një unazë;
një varëse dhe;
një byrzylyk.
Policia theksoi se po punohet për identifikimin dhe kapjen e personave të tjerë që kanë marrë pjesë në kryerjen e kësaj vepre penale.