Njihuni me kopshtin zoologjik ku njerëzit mbahen në kafaz

Ky është kopshti zoologjik ku njerëzit qëndrojnë në kafaz dhe jo kafshët. Vizitorët duhet të sfidojnë frikën përpara se të pranojnë që të hyjnë në këtë kopsht. Vizitorët duhet të qëndrojnë në një kafaz të fortifikuar dhe të lëvizshëm përpara se të ballafaqohen me një tufë luanësh të uritur.

Mirëmbajtësit e kopshtit zoologjik të Oranës në Zelandën e Re, thonë se kjo eksperiencë e veçantë, u mundëson vizitorëve që të përballën sy më sy me mbretërit e pyllit.

Luanët sillen rreth e rrotull kafazit dhe madje e sulmojnë atë herë pas herë, por siguria është më e lartë nga sa duket, pasi kafazi është i testuar dhe përforcuar mjaft mirë.

Sipas mirëmbajtësve të kopshtit, kafazi mund të mbajë deri në 20 turistë, të cilët kanë mundësinë të shohin më nga afër krijesat që gjithmonë i kanë ngjallur frikë njerëzve.

Mirëmbajtësit i ushqejnë luanët nga kafazi, duke u dhënë mundësinë vizitorëve që të shohin se si luanët shijojnë vaktet e tyre.

Xhiroja ditore në këtë kopsht kushton 30 dollarë apo 15 paund. Ky kopsht zoologjik nuk ka vetëm luanë, por numëron mbi 400 kafshë të 70 specieve të ndryshme.

/Shekulli Online/Përgatiti: E.D./

sa e papare  

ku ndodhet??