Ahmeti do të vizitojë Greqinë

Sat 31 Aug 2013 - 17:41

Kryetari i BDI-së Ali Ahmeti , të hënën, më 2 shtator, do të zhvillojë një vizitë zyrtare në Athinë ku do të takohet me zëvendëskryeministrin dhe ministrin e jashtëm grek Evangelos Venizelos.
"Fushata intensive dhe gjithpërfshirëse e kryetarit të BDI-së Ali Ahemtit dhe e të gjithë partisë për ta integruar vendin në NATO dhe në BE që filloi me kolumnën e kryetarit "Koha për NATO-n" si dhe vizitat e tij në SHBA, Gjermani, Bullgari dhe në Shqipëri, si dhe me letrat e dërguara përfaqësuesve të lartë ndërkombëtarë vazhdon me vizitën zyrtare më Greqi", thuhet në njoftimin e BDI-së.
Siç citohet në njoftimin e BDI-së Ali Ahmeti në vizitën në Greqi do të shoqërohet nga zëvendëskryeministri Musa Xhaferi dhe Artan Grubi.
"Aktivitetet tona për ta ndihmuar integrimin e Maqedonisë në NATO dhe në BE gjithsesi se nuk ndalojnë këtu por do të vijojnë në vendet mike që kanë shprehur gatishmëri të na ndihmojnë në procesin e anëtarësimit në strukturat euroatlantike", thuhet në njoftim.