'Kombi maqedonas nuk ekziston, ishte falsifikuar nga Tito!'

Një dokument bullgar "non-pejpër" në të cilin theksohet se kombi maqedonas nuk ekziston, se identitetin maqedonasit e kanë falsifikuar nga Tito dhe se intelektualët bullgar në Maqedoni janë shfarosur pas Luftës së Dytë Botërore, ndërsa në të cilin shteti kushtëzohet me IRJM, disa muaj me radhë qarkullon në mesin e shefave të diplomacive të vendeve-anëtare të Bashkimit Evropian, njofton korrespondenti i MIA-s nga Brukseli.
Këtë dokument në takimet para takimeve të fundit të Këshillit për punë të përgjithshme të Bashkimit Evropian e ka plasuar Marin Rajkov, ish kryeministër i Bullgarisë, dhe ai qarkullon si në Këshillin e BE-së, ashtu edhe në Parlamentin Evropian, Komisionin dhe institucionet e tjera të BE-së. Edhe pse në Bullgari disa muaj është në pushtet, siç vlerësohet, për Maqedoninë një opsion më i butë, ky "non-pejpër" akoma nga Sofja zyrtare nuk është tërhequr.
Ndryshe, në këtë dokument, fillimisht theksohet se në mëngjesin e punës me Përfaqësuesit e përhershëm të BE-së më 18 prill 2013 në Bruksel, ministri i Punëve të Jashtme i "Ish Republikës Jugosllave të Maqedonisë" (IRJM), Nikolla Poposki haptazi ka pyetur nëse është e nevojshme IRJM të dakordojë marrëveshje për fqinjësi të mirë me Bullgarinë, duke iu referuar klauzolës asimetrike në projekt-versionin e propozuar nga Bullgaria".
Pikërisht shtrembërimi i këtillë i qëndrimit të ministrit të Maqedonisë se për "fqinjësi të mirë nuk nevojitet marrëveshje", theksohet në vazhdimin e "non-pejpërit" është shkak që fqinjët tanë të hedhin helm mbi Maqedoninë.
Në këtë rast, bullgarët theksojnë se "është fakt se Kushtetuta e IRJM-së përmban të drejtë të këtillë ekskluzive që ngjall brengosje te shtetet fqinje. Prandaj, çfarëdo pohimesh se një obligim i këtillë sipas marrëveshjes së këtillë nuk do të ishin reciproke tani janë të pasakta", thuhet në dokument, ku theksohet se "Kushtetuta e Republikës së Bullgarisë nuk përmban tekst në drejtim të definimit të identitetit të personave që nuk janë qytetarë bullgarë".
Sipas tyre, pas "mossuksesit midis dy luftërave botërore të çrrënjoset identiteti bullgar i popullatës lokale me imponimin e identitetit 'serbo-jugor'" ka çuar deri te ajo, siç theksohet "lideri jugosllav Josip Broz Tito në vitin 1944 ta lancojë politikën e falsifikimit të identitetit të ri "maqedonas" në të atëhershmen Republika Federale e Maqedonisë!

Në fund të këtij "non-pejperi" se cilat do të jenë qëndrimet e Bullgarisë lidhur me pranimin e Maqedonisë në BE, theksohet: "Bullgaria bën thirrje se gjetja e vendimit për çështjet e pazgjidhura me fqinjët duhet të vij para dhe jo pas fillimit të negociatave me BE-në".