Ja profesionet që tërheqin më shumë psikopatë

Në librin me titull ”Urtësia e psikopatëve: çka mund të na mësojnë për suksesin të shenjtit, spiunët dhe vrasësit serikë”, psikologu nga Oksfordi, Kevin Daton, jep listën me profesione që tërheqin më shumë psikopatë.A ju ka ndodhur të ndiheni sikur të gjithë rreth jush në vendin e punës janë njerëz jostabilë; se reagimet e kolegëve janë të shpeshta dhe të paparashikueshme? Nëse po, atëherë ka shumë gjasa që të punoni në ndonjërin nga profesionet që tërheq më së shumti psikopatë, si për shembull gazetaria.

Në librin e paradokohshëm të psikologut nga Oksfordi, Kevin Daton, me titull ”Urtësia e psikopatëve: çka mund të na mësojnë për suksesin të shenjtit, spiunët dhe vrasësit serikë”, ai thotë se vetitë ose atributet e psikopatëve janë shumë më të shpeshta te udhëheqësit e bizneseve se sa te kriminelët, që është mendim i përhapur në publik – atribute siç janë sharmi, egocentrizmi, dëshira për dominim dhe dhënia të urdhërave, mungesa e empatisë, pavarësia e theksuar dhe fokusimi.

Në një postim për librin, autori dhe bloguesi në Hafington Post, Erik Barker thotë se profesionet me përqindje të lartë të psikopatëve ofrojnë fuqi dhe kërkojnë aftësi objektive dhe klinike për marrje të vendimeve pavarësisht nga çdo emocion. Ndërsa, profesionet ku ka përqindje më të ulët të psikopatëve kërkojnë shkathtësi për empati ndaj njerëzve dhe lidhshmëri, më tepër merren me emocionet dhe nuk ofrojnë fuqi.

Ja profesionet, të cilat, sipas hulumtimit, gjegjësisht sipas librit të psikologur Daton, bëjnë pjesë në top-dhjetëshin me më shumë psikopatë.

1. Drejtor ekzekutiv
2. Аvokat
3. Мedia (televizion/radio)
4. Shitës
5. Kirurg
6. Gazetar
7. Polic
8. Klerik fetar
9. Kuzhinier
10. Nëpunës shtetëror

Ndërsa këto janë profesionet me përqindje më të ulët të psikopatisë

1. Përkujdesëse
2. Motër medicinale
3. Terapeut
4. Zanatçi
5. Kozmetikan/Stilist
6. Punëtor në organizata humanitare
7. Arsimtar
8. Punëtor kreativ
9. Mjek
10. Kontabilist portalb.

Paskam shanse te ulta per te qene psikopat..