Partnerët dinë si ndihen edhe kur nuk janë bashkë

Më të moshuarit janë më pak në gjendje të lexojnë emocionet në fytyrën e partnerit të tyre, por ata s’e humbasin
aftësinë për të gjykuar emocionet e partnerit në bazë të njohurive të fituara gjatë viteve të tyre bashkë, thuhet sipas një studimi të ri. “Kur gjykojnë për emocionet e të tjerëve në jetën reale, njerëzit nuk mbështeten kryesisht në shprehjen e emocioneve “, shpjegoi udhëheqësi i studimit, Antje Rauers nga “Max Planck Institute” në Gjermani. “Por, shfrytëzojnë informacione shtesë, si njohuria e mbledhur për një situatë të caktuar dhe një person të caktuar”. Studimi, i publikuar në revistën ‘Psychological Science’, i përfshiu 100 çifte. Disa ishin midis 20-30 vjeç, derisa të tjerët midis 69- 80 vjeç. Nga pjesëmarrësit së pari u kërkua të identifikonin emocionet specifike në fytyra të ndryshme. Më pas incizuan emocionet e tyre me telefona, si dhe ndjenjat e partnerëve 6 herë në ditë për 2 javë.
Studimi tregoi se çiftet më të vjetra ishin më pak të afta të lexonin fytyrën e partnerit të tyre sesa çiftet e reja. Por, nuk pati dallime në vlerësim se si ndihej partneri i tyre kur s’ishin bashkë. Ata erdhën në përfundim se disa procese në tru të lidhura me të kuptuarit dhe ndjeshmërinë mbesin të qëndrueshme me moshë. - See more at: http://shqipmedia.