Hoteli-burg, për të gjithë ata që s’kanë provuar burgun

Ka shumë njerëz që dridhen vetëm nga ideja se mund të kalojnë një natë në një qeli burgu, ndërkohë që të tjerë janë tepër kuriozë. “Alcatraz Hotel”, është i pari hotel-burg në Gjermani që po ngjall jo pak interes. Hoteli i ndërtuar kohët e fundit në një ish-burg, ka dhoma tradicionale dhe origjinale të stilit qeli.Në këtë hotel “mysafirët e burgosur” mund të krijojnë një ide rreth jetës në burg, fal dhomave perfekte “stil qeli”: dritare me hekura, shtretër burgu origjinalë, tualet dhe lavamanë të brendshëm. Për ta bërë sa më pak traumatike, dhomat kanë komfort modern dhe kanë lidhje wireless falas.

“Dr.Michael Koll dhe Dr. Andreas Kirsch kanë blerë ish-burgun dhe menduan ta transformojnë në një hotel”, ka thënë receptionisti 23-vjeçar David Woodard.

/Shekulli Online/ E.L/