Në pritje të ekzekutimit të dytë

Një i burgosur në Iran, shpëtoi mrekullisht nga ekzekutimi i parë dhe tani është në pritje të ekzekutimit të dytë. Të mërkurën që kaloi 37-vjeçari Alireza M. u ekzekutua me varje në litar, pasi akuzohej për trafik droge. Pas 12 minutash ai u konfirmua i vdekur dhe u transportua për në morgun e qytetit. Ditën e nesërme kur familjarët shkuan të tërhiqni trupin dhe sendet e tij nga morgu, ata vunë re se 37-vjeçari merrte frymë dhe e transportuan për në spital për t’i dhënë ndihmën mjekësore.

Familjarët shprehen se kur gjetën të gjallë 37-vjeçarin ata u lumturuan shumë, por akoma më shumë u lumturuan dy vajzat e tij.

Ndërsa zyrtarët e policisë sapo morën vesh që Alireza M. kishte mbijetuar, ata vendosën roje te spitali për të marrë 37-vjeçarin sapo të dalë që andej dhe të kryejnë ekzekutimin e dytë.

Dënimi me vdekje në Iran është i ligjshëm dhe vetëm këtë vit janë ekzekutuar rreth 560 persona.

/Shekulli Online/ E.L/