Puna me shef të vështirë? Stres kronik

Të punosh për orë të gjata në një atmosferë jo të mirë në zyrë dhe për më tepër me një shef të vështirë, mund të shkaktojë stres. Ky është përfundimi i arritur nga shkencëtarët e “Ohio State University”, në Shtetet e Bashkuara të Amerikës, të cilët shtuan gjithashtu se kjo mund të ndikojë negativisht në shëndetin e personave që punojnë në ambiente të tilla. Sipas "Mail Online", kërkuesit zbuluan se stresi kronik shkaktohet nga ndryshimet e aktivitetit të geneve në qelizat imune. Ndryshime të tilla bëjnë që qelizat të jenë të parat që luftojnë një infeksion, i cili në fakt nuk ekziston.

Kjo çon në pezmatimin e trupit dhe në shumë probleme shëndetësore, përfshirë edhe sëmundjet e zemrës dhe diabetin.

Kërkuesit testuan persona të cilët punonin në ambiente jo të mira pune si dhe me një shef të vështirë dhe dolën në konkluzionin se këta persona vuanin më tepër nga stresi kronik.

/Shekulli Online/ E.B./