I ngacmon gruan në autobus, burri merr hak

Policia e Gramshit ka arrestuar dy persona, ku njëri akuzohet për dhunë, ndërsa tjetri për ngacmim seksual. Mësohet se ditën e djeshme në autobusin e udhëtarëve të linjës Elbasan-Gramsh, një 37-vjeçar ka ngacmuar seksualisht një 30-vjeçare me iniciale M.H., banuese në Gramsh.

Por, përballë kësaj situate ka reaguar bashkëshorti i 30-vjeçares, ka goditur me sende të forta 37-vjeçarin, Flamur Nasufin, duke marrë hak për nderin e së shoqes.

Policia e Gramshit ka bërë të mundur arrestimin e Nasufit, nga fshati Trashovicë i Gramshit. Gjithashtu është arrestuar edhe shtetasi I.H., i cili dhunoi 37-vjeçarin, që i ngacmoi bashkëshorten. L

idhur me këtë ngjarje, materialet i kaluan Prokurorisë së Elbasanit për veprime të mëtejshme për veprat penale “Vepra të turpshme dhe plagosje e lehtë me dashje”.

/Shekulli Online/ E.L./