Kthehet në shtëpi, gjen prindërit duke qarë mbi varrin e tij

Një djalë në Poloni, i cili dihej i vdekur nga prindërit e tij, është kthyer në shtëpi, por i ka gjetur prindërit duke qarë mbi varrin e tij.

Jaroslaë Carolinski nga Siedliska e Polonisë ishte deklaruar i vdekur pasi prindërit e tij kishin ngatërruar një trup të pajetë që ishte gjetur nga policia disa ditë më parë në kufirin ukrainas, raporton “Zëri”.

38-vjeçari ishte larguar pa paralajmërim në vitin 2011 “për të gjetur veten”, dhe prindërit e tij ishin të sigurt që ai ishte larguar përgjithmonë dhe madje mendonin se kishte vdekur.

Por ai është kthyer javën e kaluar dhe i ka gjetur prindërit duke qëndruar mbi “varrin e tij”.

“Përshëndetje nënë dhe babë. Jam kthyer”, -u ka thënë ai prindërve. “Natyrisht prindërit ishin të shokuar por edhe të lumtur që më shihnin”, -ka shtuar 38-vjeçari.

/Shekulli Online/ E.B./