Gjykatë, arrest shtëpie djalit të Dades

Sat 8 Jan 2011 - 15:38

Gjykata e Tiranës ka
caktuar sot masën e sigurisë “arrest shtëpie” për Besnik Dabullën, i
akuzuar për plagosjen e shtetasit Edrin Lufi.

Mbrëmjen e 5 dhjetorit, Dabulla, i biri i deputetes socialiste Arta
Dade, qëlloi me armë zjarri Lufin, nipi i ish-kryeministrit komunist të
Shqipërisë, Adil Carcani.

Për këtë vepër penale, prokurorët e cështjes kanë kërkuar 20 ditë burg
për të riun, por avokatët e tij paraqitën një akt noterial të të
plagosurit.

Edrin Lufi deklaron në aktin në fjalë se plagosja e tij ishte aksidentale dhe se ka raporte shumë miqësore me Dabullën.

Këtë deklaratë i plagosuri e dha një ditë më parë edhe për TCH,
menjëherë sapo doli nga gjendja e rënduar shëndetësore. “Është miku im,
shumë i ngushtë, shumë intim e kam jashtëzakonisht mik”, tha ai.

Në lokalin ku ndodhi ngjarja ishte i pranishëm edhe shtetasi Shkëlzen
Hoxha, nip i diktatorit komunist Enver Hoxha, i cili deklaroi se nuk
kishte parë asgjë nga konflikti.