Ronaldo fiton Topin e Artë

ZYRIH - Cristiano Ronaldo është fituesi i Topit të Artë për vitin 2013. Portugezi i Real Madrid ka fituar garën me Lionel Messi dhe Franck Ribery.

2013-a ishte viti i Ronaldos në shifra, por Ribery ishte “fituesi” pasi ngriti Kupën e Kampionëve me Bajernin e Mynihut.

Në 56 ndershje ylli portugez shënoi 69 gola.

“Së pari falënderoj shumë të gjitha shokët e ekipit të Real Madrid dhe Portugalisë”, tha ai. “Pa përpjekjet e tyre kjo nuk do të ishte e mundur. Jam shumë i lumtur, është shumë e vështirë të fitosh këtë çmim”, deklaroi Ronaldo.

Ronaldo vazhdimisht është konsideruar si një lojtar me cene, duke u cilësuar si egoist apo edhe jo shumë i sjellshëm. Por në fakt, kjo vlen vetëm kur ai është në fushë pasi këtë e tregoi edhe në momentin e marrjes së çmimit por e ka dëshmuar edhe me veprimet e tij bamirëse.

Lionel Messi, që ka fituar këtë çmim katër vitet e fundit, gjatë vitit 2013 ishte nën nivelin e Ronaldos. Kjo është hera e dytë që 28-vjeçari fiton Topin e Artë, ndërsa është hera e parë që ai fiton këtë që prej vitit 2008 kur ky çmim caktohet nga trajnerët e kombëtareve, kapitenët dhe gazetarët. Trajneri më i mirë u zgjodh ish-trajneri i Bayern Munich, Jupp Heynckes.shekulli.