Regjisori kinez gjobitet me 1.2 milionë se ka 3 fëmijë

Autoritetet kineze kanë gjobitur regjisorin, Zhang Yimou, me 1.2 milionë dollarë për shkak se ka tre fëmijë dhe kjo është në kundërshtim me politikën e vendit, ku lejohet të kesh vetëm një fëmijë.

Autoritetet e planifikimit familjar në qytetin Vuksi kanë thënë se, hetuesit kanë konstatuar se Zhang dhe gruaja e tij kanë shkelur rregullat, “duke bërë shumë fëmijë pa miratim zyrtar”.

Çiftit i janë dhënë 30 ditë kohë për të paguar gjobën. Autoritetet kanë thënë se gjoba është llogaritur në bazë të të ardhurave të çiftit në vitet, kur kanë lindur fëmijët.

Zhang është i njohur për filmat "Raise the Red Lantern" dhe "The Flowers of War". Ai ka qenë regjisor i ceremonisë së hapjes dhe mbylljes së Lojërave Olimpike në Pekin, në vitin 2008.

/Shekulli Online/ E.L./

Ketu e teperon Kina!

Nese prinderit kane mundesi te rrisin 3-4-5-6-7... femije, atehere nuk ka pse t'i ndalosh!

Deri me dje lejonin vetem nje, sot lejojne dy, po pse c'jane femijet?!

Duhet pare "edukimi" i femijeve dhe jo "numeri" i femijeve, mendoj une...