Konfliktet brenda bandës zbuluan vrasësin me pagesë (VIDEO)

Ka qenë një mosmarrëveshje ndërmjet personave të grupit kriminal, ajo që ka çuar në zbardhjen e një prej grupeve kriminale, më të rrezikshme në vendin tonë. Neritan Gjoksana, njeriu që i siguronte bazën materiale vrasësit me pagesë, Julian Sinani, të arrestuar tashmë nga Policia e Tiranës, ka denoncuar në Policinë e Durrësit këtë të fundit. Një mosmarrëveshje mes të dyve ka bërë që Sinani ta kërcënojë me vdekje Gjoksanën, dhe ky i fundit duke i ditur krimet që ka bërë Sinani vendosi ta denoncojë atë në policinë e qytetit bregdetar, raporton “Ora News”.

Pas kësaj strukturat e policisë kanë mbajtur nën vëzhgim lëvizjet e Julian Sinanit, dhe ditën e arrestimit të tij kanë mundur ta ndalojnë në flagrancë. Mësohet se atë ditë ai do vriste një biznesmen të njohur në fushën e karburanteve, i cili ushtron aktivitetin në qytetin bregdetar të Durrësit.

Pas ndalimit të tij nga policia, 27-vjeçari ka zbardhur të gjithë ngjarjet kriminale ku ai ka marrë pjesë, përfshirë këtu edhe ato që ka kryer në Greqi, si vrasje me pagesë dhe vendosje e bombës në gjykatën e Selanikut. Ai ka pranuar se ka kryer 27 vrasje, në Shqipëri, Greqi dhe Itali.

Julian Sinani dhe Neritan Gjoksana kanë vendosur që të jenë bashkëpunëtorë të drejtësisë. Bëhet me dije se Julian Sinani, mbrëmjen e të mërkurës, ka marrë statusin e të penduarit të drejtësisë shqiptare.

http://almakos.com/lajme

po videon ku e ke mer cun apo po e sheh vetem vete?