Plotësohet legjislacioni në Afganistan për të drejtat e femrave

Presidenti i Afganistanit, Hamid Karzai, sot ka kërkuar të bëhen disa ndryshime në legjislacionin e propozuar pak ditë më parë, i cili është kritikuar nga aktivistët e të Drejtave të Njeriut se paraqet pengesa për të drejtat e femrave.

Parlamenti i Afganistanit tashmë e ka miratuar legjislacionin e ri të “procedurës penale juridike”, me të cilin prokurorëve u ndalohet marrja në pyetje e çfarëdo të afërmi të të dyshuarit për abuzim.

Aktivistët për të drejtat e njeriut dhe zyrtarët perëndimorë e kanë kritikuar këtë legjislacion, duke thënë se nuk do t’i mbrojë femrat nga dhuna në familje dhe martesa e detyruar.

Një zëdhënës i presidencës afgane tha sot se Kodi i ri penal nuk do të hyjë në fuqi derisa ministria e drejtësisë nuk bën disa plotësime në legjislacion. /albeu.com/