Arrestohet 17-vjeçari, mbante armë në orë të mësimit

Gjatë kontrollit 17-vjeçarit iu gjet në klasë një armë tip pistoletë “Zastava” me katër fishekë

Shkodër- Një 17-vjeçar është arrestuar nga autoritetet lokale, sepse gjatë orëve të mësimit mbante me vete armë zjarri të mbushur me fishekë. I riu me emrin Gjergji.N, u arrestua në ambientet e gjimnazit në qytetin e Shkodrës.

Policia bëri me dije se, gjatë kontrollit të kësaj të fundit, 17-vjeçarit iu gjet në klasë një armë tip pistoletë “Zastava” me katër fishekë.

Ende nuk dihen arsyet se pse ky gjimnazist ka qenë gjatë gjithë kësaj kohe i pajisur me armë zjarri, madje edhe me fishekë brenda saj. Policia është duke bërë hetimet e nevojshme për të zbuluar se përse i riu ka marrë armë dhe fishekë me vete edhe në orën e mësimit.

/Shekulli Online/S.H./