Kur të vdekurit kthehen në jetë

Walter Williams ishte gati për t’u varrosur, kur filloi të shkelmonte qesen ku ishte futur dhe rezultoi se ishte gjallë

Ndonjëherë ndodhin edhe mrekullitë, ose të paktën kështu besohet sipas legjendave urbane. Një ngjarje e rrallë ka ndodhur në Lexiongton të Mississippi-t, ku një burrë i cili ishte futur në qese plastike, gati për t’u varrosur, u zgjua pak minuta para se të futej në arkivol.

Trupi i Walter Williams-it ishte bërë gati për t’u varrosur kur njerëzit që ndodheshin në funeral vunë re që ky i fundit po shkelmonte qesen. Pasi gjuajti disa herë me shqelma pushoi, dhe më pas filloi të gjuante sërish. Kjo ka bërë që të pranishmit të hapnin qesen dhe vunë re që Walter ishte gjallë, raporton "Daily Mail".

Më pas ai u dërgua në spital për t’iu nënshtruar një kontrolli mjekësor, dhe u shpreh se ndjehej i lumtur që ishte sërish me pjesëtarët e familjes së tij.

/Shekulli Online/ E.B./