Goditet rrjeti prostitucionit, pranga tutorit, vajzave dhe klientëve

Tutori 29-vjeçar përdorte lokalin e tij si qendër të shfrytëzimit të prostitucionit


Policia e Fierit ka goditur një rrjet të prostitucionit në këtë qytet, ku ka arrestuar tutorin, tri prostituta dhe dy klientë. Arrestimi i tyre është bërë i mundur gjatë një operacioni kundër një baze të shfrytëzimit të prostitucionit. Policia ka njoftuar se, është arritur të arrestohet tutori i prostitutave shtetasi Ndriçim Buzi, 29 vjeç.

Policia ka vënë në pranga edhe tri vajzat, me iniciale F.M, A.K, V.P, të akuzuara për ushtrim prostitucioni. Gjatë aksionit mësohet se janë arrestuar edhe klientët e prostitutave, shtetasit A.M dhe V.P.

Mësohet se shfrytëzimi i prostitucionit bëhej në një lokal në pronësi të shtetasit Ndricim Buzi, ku vajzat legalisht dukej sikur punonin si pjesë e stafit të shërbimit, por nga ana tjetër ofronin seks me pagesë për klientët deri në 50 mijë lekë nata.

/Shekulli Online/ E.L./

T'i vrisnin qe te gjithe me mire do ishte...