Torturë dhe shfrytëzim në rrugë 2 vajzave, në pranga 3 tutorë

Ravena, 8 dhjetor 2011, NOA/ Arjola Ymeraj- Detyronin dy vajza nga Uruguai të moshës 25 dhe 26 vjeçare të prostituonin në rrugët e Bolonjas nën kërcënime dhe grushte të vazhdueshme e për këtë fakt tre djem shqiptarë përfunduan në prangat e policisë italiane.

Tre djemtë Orgest Shkurti 20 vjeç, Ervin Pengu 21 vjeç dhe Alfred Dema 20 vjeç u arrestuan në Ravena ku ishin transferuar së fundmi.

Siç informon agjencia e lajmeve NOA.al, tre të rinjtë ishin me precedent penalë, ndërsa tani u duhet të përballen me akuzat për shfrytëzim prostitutash, mbajtje pa leje e armëve, sekuestrim personi, dhe trafikim i lëndëve narkotike.

Shkak për kapjen e tyre u bë denoncimi disa muaj më parë i njërës prej viktimave, e cila kishte thënë se tutorët e saj i kërcënonin dhe rrihnin në mënyrë të vazhdueshme dhe nëse ato kundërshtonin të dilnin në rrugë, dhuna përsëritej sërish.

Dy prej vajzave kishin arritur të arratiseshin nga Arezzo përmes ndihmës së disa të njohurve të tyre, ndërsa tani janë në pritje të marrjes së lejes së qëndrimit.

Mësohet se pranverën e shkuar, gjatë një tentative për tu larguar njëra nga vajzat, u arrestua një tjetër shqiptar që ndiqte këtë të fundit.

Pas arrestimit të tre të rinjve, policia gjeti në banesën e tyre në Ravena rreth 13 mijë euro, disa telefona celularë dhe një aparat përgjues.

a.y/NOA

20 vjecare!!!

Tmerr!!!

He pra e shikon cilet jemi e cfare bejme,ky eshte nje rast po sa e sa te tjere kemi degjuar ne kohe te ndryshme e nr eshte alarmant,zakonisht me keto pune te pista meren njerezit e popujve me nje nivel te ulet si kulturor,ekonomik etj,,e Shqiperia sben perjashtim ketu per fat te keq

Demokracia shthurret pa diktature.

Po shfaqet malli i diktatures me duket, se me demokraci u pa paqja e u be lufta!

Per mendimin tim, ne keto skena duhet ligji i vdekjes dhe pike.
Jemi 20 milione, do behemi 10 por do jemi njerez.

A mund te thuhet se SHQIPTARI eshte i lig!!!