Hamëz Jashari: Sot kemi profesora, akademika dhe i kemi shti vesht n’lesh

Hamëz Jashari, në një nga momentet e shumta të bashkëbisedimit me vëllain e tij, Adem Jasharin, fliste për përpjekjet e shqiptarëve për liri e pavarësi. Në një moment, ai ishte me Ademin dhe dajën e tyre Osmanin.
Hamza flet për mënyrën se si ka luftuar populli shqiptar, dhe si tash në vitet 90, kur ka njerëz të shkolluar e akademikë, nuk po largohet pushtuesi.
Ai kujton veprën e Ahmet Delisë, që iu doli në ndihmë të afërm të tij, madje duke përdorur si mjet sëpatën. E tash, thotë Hamza, dy a tre policë rrethojnë një shtëpi, vrasin dhe maltretojnë, dhe askush nuk I del në ndihmë të afermit.

“A ken ma të fortë ata atëherë pa ditë shkrim e lexim, letrat të Hoxha u dashtë me shku me i lexu, ja të popi….e na sot kemi djem, kemi dijetarë, tuj marrë prej profesorave, magjistra, doktora, akademika të rangut botëror e i kemi shti vesht n’lesh”, thotë ai, transmeton reporteri.