Qentë njëlloj si njerëzit?

Sipas studimeve të fundit qentë u përgjigjen emocioneve në të njëjtën mënyrë si njerëzit

Qentë kanë qenë miku më i mirë i njeriut për 30 mijë vjet, dhe tani shkencëtarët dinë të japin shpjegime pse. Sipas studimeve të fundit ,qentë u përgjigjen emocioneve në të njëjtën mënyrë si njerëzit. Shkencëtarët hungarezë zbuluan se qentë përdorin disa mekanizma të trurit të ngjashme me të njeriut.

Më në fund për të kuptuar se si miku ynë më i mirë na kërkon dhe se si komunikon në mjedisin tonë shoqëror , studiuesit hungarezë vëzhguan aktivitetin e trurit tek qeni dhe njeriu. Ata zbuluan se truri i qenve është i ndjeshëm ndaj tingujve akustike njësoj si tek njerëzit.

Attila Andics , drejtuesi i grupit kërkimor i cili kreu studimin , tha : “Qentë dhe njerëzit ndajnë një mjedis të ngjashëm social. Zbulimet tona sugjerojnë se ata gjithashtu, përdorin mekanizma të ngjashme të trurit për të përpunuar informacionin. Kjo mund të mbështesë suksesin e komunikimit vokal mes njeriut dhe qenit”.

Studimi i botuar në revistën “Biologjia Aktuale”, tregon se fushat e zërit evoluuan 100 milionë vjet më parë. Shkencëtarët mendojnë se qentë janë zbutur për herë të parë nga njerëzit rreth 32 mijë vjet më parë . Prova gjenetike të zbuluara vitin e kaluar, zbuluan paraardhësit e ujkut (qenve të sotëm) , të cilët ka shumë gjasa të zbuten nga gjuetarët.

/Shekulli Online/ E.B./