Një banor i Gazas ndërton një impiant që e kthen plastikën në karburant

Një banor i Gazas ka ndërtuar një impiant të teknologjisë së lartë nga një pajisje themelore që i kthen mbetjet e plastikës në origjinën e tyre, d.m.th., karburant.

Ibrahim Sobohi, 55 vjeçar, nga kampi i refugjatëve Nusairat në qendër të Rripit të Gazës, iu deshën shtatë muaj për ta ndërtuar dhe përsosur impiantin.

Rrethimi i Izraelit në Rripin e Gazës çojë në harxhimin e shumë artikujve thelbësore, duke i shtyrë banorët e Gazas të shpikin makina të reja me pajisje themelore në përpjekje për të gjetur alternativa të mundshme për krizën e tyre ushqimore.

Soboh nuk pranoi ta bëjë të ditur sekretin e shpikjes së tij, por tha se ideja i erdhi në mendje pasi e dinte se plastika formohet nga karburanti dhe se mbetjet e plastikës, të cilat eksportoheshin në Egjipt nëpërmjet tuneleve, janë akumuluar në sasi të mëdha.

Në impiantin e tij, Sobohi shkrinë plastikën duke e ngrohur derisa ajo të bëhet avull. Avulli pastaj kondensohet në të njëjtën makinë dhe shndërrohet në karburant.

Sipas Soboh-it, çdo 1.5 kilogram plastikë e bluar jep një litër karburant. Karburanti i ri përdoret për lëvizjen e gjeneratorëve, veturave dhe makinerive tjera të cilat operojnë me vaj.

Faza tjetër për Soboh-in mbetet që të kërkojë donatorë për të ngritur një fabrikë të madhe, ashtu që të jetë në gjendje të ripërdor tonelata mbetje plastike të akumuluara në magazina të mëdha në Rripin e Gazas. Ai beson se kjo do të zgjidhë dy probleme; do të inkurajonte riciklimin e plastikës dhe do të krijonte një mënyrë për të ndihmuar rreth krizës me karburant. /ekuilibër/