Gara e NASA-s, studentët shqiptarë realizojnë projektin më të mirë

Studentët shqiptarë nga Shkupi të cilët ishin pjesëmarrës në garën globale (NASA space app challenge) të organizuar nga agjencia amerikane e hapësirës NASA, kanë arritur rezultat të jashtëzakonshëm. Grupi i përbërë prej studentëve shqiptarë ka fituar çmimin e parë në konkurs.

Të votuar nga 150 pjesëmarrësit në garë, u zgjodhën si projekti më i mirë në garë duke u kualifikuar në garën globale në mesin e 100 shteteve. Ekipi i formuar nga organizata LSU DECA (Suad Saliu, Blerant Ramadani, Artan Rahmani, Visar Zejnullahu dhe Jovan Andonov) punoi 48 orë pothuajse pandërprerë.

Projekti i tyre ishte një aplikacion, i cili do t’u lehtësojë njerëzve në përgjithësi udhëtimin në vende të reja. “Android aplikacioni” është hartë e gjithë globit, në të cilën secili do të mund të japë informacion për vendet që ka vizituar apo që i njeh.

Me këtë arritje ata futen në garën globale me gjasa për të fituar një udhëtim për në Florida dhe për të parë lëshimin e raketave për në hapësirë në mënyrë direkte. Kjo garë është zhvilluar për të tretën herë në 100 vende të botës, përfshi këtu edhe Maqedoninë.shekulli.