“Jam burrë i ndershëm, kam vrarë gruan dhe të dashurën dhe tani po kërkoj për grua të re”

TURQI-Një burrë 62-vjeçar ka deklaruar në një emision televiziv se ka vrarë gruan dhe të dashurën dhe po kërkon për një grua të re.

I ftuar në një emision televiziv në Turqi, emision i cili ka në qendër takimet e dashurisë, Sefer Çalinak, tha publikisht se kishte vrarë gruan dhe të dashurën, dhe pasi kishte bërë disa vite burg, ishte liruar falë amnistisë. Ai ishte martuar me gruan e parë, të cilën e kishte kushërirë, kur ishin të dy 17-vjeçarë. Pas disa muajsh martesë ai ishte bërë xheloz për të shoqen dhe e vrau. U dënua me 19 vite burg dhe kreu vetëm 4, falë amnistisë.

Më pas u martua me një grua tjetër, me të cilën bëri dy fëmijë, por u ndanë. Pas ndarjes, nisi një aferë me një grua të martuar. Kur ajo nuk u nda nga i shoqi, Çalinak u acarua dhe në zënkë e sipër e ka vrarë.  Ai tha se vrasja e saj ishte aksidentale. Çalinak u dërgua sërish në burg dhe u lirua nga një amnisti.

“Jam një burrë i ndershëm, që po kërkoj një grua të re”, -tha në emision 62-vjeçari, ndërsa drejtuesja e emisionit e ka dëbuar nga studioja kur dëgjoi historinë e tij.

/Shekulli Online/ E.B./

Flash Tv Ne Çıkarsa Bahtına - İki Kadın Öldüren... από ReCorp