Rama: Do iki nga stadiumi nëse dëgjoj "vritini serbët"

Sat 20 Dec 2014 - 13:43

Zbardhen detaje të mëtejshme nga vizita e fundit e kryeministrit të vendit Edi Rama në Beograd të cilat kanë të bëjnë edhe me kontekstin sportiv. E përditshmja serbe Kurir bën të ditur se gjatë intervistës së tij në televizionin rajonal N1, kreu i ekzekutivit shqiptar foli edhe për futbollin dhe mënyrën se si përjetohet ai në Ballkan.
"Le të jemi të sinqertë, kur këtu luan Partizani dhe Cverna Zvezda, ajo duket si një luftë. Në cdo vend ka një ndeshje derbi që duket si një luftë. Në Ballkan është derbi mes Serbisë dhe Shqipërisë aktualisht. Pra duhet marrë lehtë dhe nuk duhet të bëjë shumë bujë. Ne jemi Ballkani dhe jemi gjaknxehtë. Kjo nuk mund të ndryshohet dhe kur luajmë kundër njëri-tjetrit ne duhet ta marrim vetëm si një ndeshje futbolli", ka thënë Rama.
Më pas kryeministri shqiptar preku edhe çështjen e ndeshjes së kthimit mes Shqipërisë dhe Serbisë që do të luhet vitin e ardhshëm në Shkodër duke theksuar se ai do të largohet nga stadiumi nëse dëgjon thirrje "Vritini Serbët", si ato që u dëgjuan kundër shqiptarëve në 14 tetor në Beograd.
"Nëse unë do të jem në stadium, dhe do të jem aty, do të largohem nga stadiumi nëse dëgjoj 'vritini serbët'. Në Beograd kjo ndodhi. Kur tifozët vërshuan kundër shqiptarëve, askush nuk u largua nga stadiumi", deklaroi Rama.

Sat 20 Dec 2014 - 23:29

serbet ja marin Rames kte gjest si ligesi e tij.
Ata serbet kerkojn norma tjera kur behet fjal per ta...duan qe gjithmon te trajtohen se vetem ata jon ne 'rrugen' e drejt.
Ata jo qe mbeten te pa knaqur qe ben thirrje raciste por kerkojne qe ne ndeshjen e kthimit ta bejn diku ku ndihen te sigurt ose te sigurohen nga snajperistet mugjahidist,ndoshta do te deshironin te siguroheshin nga trupat militare serbe.