Pse e kemi të vështirë t'i harrojmë ngjarjet e dhimbshme?
Tue 23 Dec 2014 - 22:05
- Përgjigjia gjendet te rajoni i trurit i quajtur amigdala, përgjegjëse për fortësinë e lidhjeve neurale
Kujtimet e ngjarjeve traumatike janë të vështira të shuhen dhe tani shkencëtarët e kanë kuptuar arsyen. Studimet me kaviet laboratorike kanë treguar, për herë të parë, mekanizmin e trurit që përkthen eksperiencat e pakëndshme në kujtime afatgjata.
Gjetjet mbështesin hipotezën 65-vjeçare të quajtur plasticiteti hebian. Ideja pohon se, në përballje me një traumë, p.sh., kur të kafshon qeni, një numër i madh neuronesh në tru nxisin impulse elektrike në unison dhe formojnë lidhje më të forta me njëra-tjetrën, krahasuar me situatat normale. Sa më të forta këto lidhje, aq më të forta kujtimet. Plasticiteti hebian ndodh kur një rajon i trurit (amigdala) lejon që stimujt sensorë të lidhen me rezultate shpërblyese ose ndëshkuese, duke krijuar kujtime emocionale.
Gjetjet e reja janë një përparim i rëndësishëm në të kuptuarit e plasticitetit hebian, por mund të kontribuojnë edhe në trajtimet që do t’i ndihmojnë pacientët të harrojnë kujtimet e frikshme, si ato të lidhura me çrregullimin e stresit post-traumatik. Studimi është bërë nga kërkues në Universitetin e Nju-Jorkut dhe Institutin e Shkencës së Trurit “RIKEN” në Japoni.
/Shekulli Online/L.B./
Drejtat e ktij Forumit:
Ju nuk mund ti përgjigjeni temave të këtij forumi
|
|