Lac, gjen vdekjen 16-vjecarja

Tue 5 Apr 2011 - 16:40

Një vajzë 16-vjeçare
ka gjetur vdekjen si pasojë e një aksidenti të rëndë të ndodhur në
rrugën Fushë Krujë-Milot, në afërsi të fshatit Fushë Mamurras.

Sipas burimeve zyrtare të policisë,
një makinë me targa të Kosovës, tip fuoristradë, ka përplasur për vdekje
16-vjeçaren e identifikuar me inicialet M.A, e cila ka gjetur vdekjen
gjatë rrugës për në spitalin e Laçit.

Sipas burimeve nga vendi i ngjarjes, drejtuesi i automjetit pas
aksidentit nuk ka lëvizuar nga vendi i ngjarjes, duke u arrestuar më pas
nga ana e policisë së Kurbinit.

Sipas hetimeve në vendin e ngjarjes, shkak për këtë aksident tragjik
është bërë shpejtësia e madhe më të cilën po lëvizte automjeti që goditi
16-vjeçaren. Kjo e fundit po kalonte superstradën per të vajtur tek
shtëpia e saj, të cilën e kishte në anën tjetër.