Korçë, aksidentohet duke shtyrë makinën, gjen vdekjen 35-vjeçari

KORCE – TIRANE - Një 35-vjecar gjeti vdekjen si pasojë e një aksidenti rrugor, të ndodhur në aksin Korcë-Ersekë. Ngjarja ndodhi rreth orës 22:30 të mbrëmjes së shtunë.
Policia thotë se shtetasi Elton Ruco ka qenë duke shtyrë makinen e tij që pësoi defekt kur është goditur nga një makinë me targa greke.
Policia tha se 35-vjeçari fillimisht ëhstë plagosur e më pas ka gjetur vdekjen në spital. Në lidhje me ngjarjen është arrestuar autori i aksidentit, shtetasi Kristif Koco 52 vjec.
Aksidenti ka ndodhur si pasojë e shpejtësisë së madhe të automjetit me targa greke.
Ndërkohë dy automjete janë përplasur me njëra tjetrën shumë pranë kryqëzimit që lidh rrugën Myslym Shyri me Ministrinë e Mbrojtjes mesnatën e së shtunës.
Një taksi është përplasur me një fuoristradë me targa TR 0009M. Policia thotë se automjetet kanë pësuar dëmtime të rënda, ndërsa nuk janë lënduar drejtuesit e automjeteve.